Një aksident ka ndodhur mëngjesin e kësaj të diele, në aksin rrugor Fier-Seman. Një autormjet tip “Benz” është përplasur me një tjetër automjet në rrethana ende të paqarta dhe si pasojë kanë mbetur të plagosur dy persona.
Të plagosurit janë nisur drejt spitalit dhe raportohen jashtë rrezikut për jetën.
” Rreth orës 10:50, në aksin rrugor “Fier-Seman”, automjeti tip “Benz” me drejtues shtetasin B. S., 58 vjeç, është përplasur me automjetin me drejtues shtetasin R. S., 56 vjeç. Për pasojë është dëmtuar shtetasi R. S. dhe pasagjerja në automjetin tip “Benz”, shtetasja F. Ll., 56 vjeçe, të cilët ndodhen në spital, në kujdesin e mjekëve. Grupi hetimor po punon për zbardhjen e shkakut të aksidentit”, thuhet në njoftimin e policisë.
