Një ngjarje e rëndë raportohet të ketë ndodhur në Gjilan mbrëmjen e kaluar. Një 29-vjeçar është goditur me thikë në rrethana ende të paqarta nga një tjetër shtetas identiteti i të cilit ende nuk bëhet me dije.
Rasti është konfirmuar edhe nga zëdhënësi i Policisë së Kosovës në Gjilan, Valon Osmani.
” “Me datën 16.12.2023 rreth orës 21:00 kemi pranua informacion se një person mashkull kosova nga fshati Dobërqan është dërguar në energjencën e Spitalit Rajonal të Gjilanit në gjendje të rëndë shëndetësore si pasojë e plagëve të marra nga një mjet i mprehtë. Viktima nuk ka arritur që të u përballoj plagëve të shkaktuara dhe i njëjti ka ndërruar jetë, vdekjen e të cilit e ka konstatuar mjeku kujdestar”, ka thënë ai.
Po i njëjti konfirmon se lidhur me rastin është arrestuar një person i dyshuar.
“Në lidhje me këtë rast zyrtarët policor kanë arrestuar një të dyshuar. Njësitet policore relevante së bashku me Prokurorin e Shtetit kanë dalë në vendin e ngjarjes ku aktualisht janë duke punuar për ndriçimin dhe sqarimin e të gjitha rrethanave që kanë të bëjnë me këtë rast”,– u shpreh ai.
