Fatmir Hoxha, i akuzuar për vrasjen e Ahmet Toskës në 26 tetor të vitit 2020, është liruar nga burgu.
Ai ka fituar pafajësinë pas rigjykimit të kësaj çështjeje nga gjykata e Fierit dhe një riekspertimi të provave (pamje filmike të kamerave të sigurisë, veshjet, etj) që rrëzonin akuzat për autorësinë e tij dhe nuk ka prova bindëse që vrasja është kryer prej ti
54-vjeçari Fatmir Hoxha ka lënë pasditen e sotme ambjentet e burgut të Fierit me vendim të gjykatës së rrethit gjyqësor Fier.
Fatmir Hoxha nuk e ka pranuar autorësinë e kësaj vrasje. Hoxha është arrestuar në datën 14 nëntor në aeroportin e Rinasit, duke u kthyer nga Italia, ku kishte udhëtuar bashkë me bashkëshorten, ndërsa sipas pretendimeve të avokates, po kthehej për të sqaruar akuzat e ngritura ndaj tij.
Kujtojmë se Ahmet Toska u ekzekutua më 26 tetor në orën 06:00 të mëngjesit teksa viktima po shoqëronte bashkëshorten për në punë. Një person i maskuar iu afrua dhe e qëlloi me një plumb në kokë.
