Sekretari i Përgjithshëm i Ministrisë së Financave Arlind Gjokutaj e priti sot vendimin e Gjykatës së Tiranë për masën e sigurisë nga spitali, ku sipas avokatit prej dy ditësh është shtruar pasi ka shfaqur probleme kardiake.
Por vendimi për masën ndaj tij është shtyrë, ndërsa në sallën e gjyqit pas kafazit të qelqtë nuk munguan dy të pandehurit e tjerë, të akuzuar për shpërdorim detyre njëjtë si ai.
Drejtori i Shërbimeve mbështetëse dhe çështjeve ligjore në Ministrinë e Financave Fatmir Hoxha dhe përmbaruesi gjyqësor privat Alban Ruli duket se e kanë marrë me sportivitet paraqitjen në gjykatë, ndërkohë që akuzohen se do i shkaktonin shtetit një dëm financiar prej 1.2 milionë eurosh.
Prej të dyve ka qenë Ruli që e ka marrë më me sportivitet arrestimin dhe siç shihet në foto është shfaqur i qeshur dhe me humor të mirë në sallën e gjyqit.
