Policia e Tiranës është përballur me armë me një grup grabitësish mbrëmjen e së shtunës në fshatin Prush.
Sipas të dhënave paraprake, 3 persona të armatosur kanë hyrë në banesën e shtetasit Gim Hima për të grabitur.
Policia mori informacion për ngjarjen dhe kur mbërriti pranë banesës hasi në të shtëna armësh në drejtim të efektivëve, të cilave iu kundërpërgjigj.
Nga ngjarja kanë dalë edhe detaje të reja, teksa gjatë momentit që kanë hyrë në banesë grabitësit, aty gjendeshin dy të moshuar dhe janë prezantuar si policia duke thirrur “ulu policia” .
Ende nuk dihet se çfarë kanë grabitur për shkak të shokut që kanë kalur dy të moshuarit. Grabitja brenda banesës nuk ka zgjatur për shumë minuta, për shkak se fqinjët kanë dëgjuar britmat dhe kanë njoftuar policinë.
Ekspertët e policisë shkencore shpresojnë që në disa objekte të bandës të përftojnë gjurmë gishtatsh, pavarësisht se ne banesë ka kamera me rezolucion të pastër.
