Teksa bashkëpunëtorët e tij të ngushtë janë tashmë pas hekurave lidhur me procedimin penal për inceneratorin e Tiranës, kryebashkiaku i Erion Veliaj i ka injoruar tërësisht zhvillimet.
Teksa ende nuk ka një ka një reagim për rastin, ai u shfaq këtë të shtunë duke mbjellë pemë. Pamjet e montuara në zyrat e propagandës së Veliajt u publikuan edhe në televizione, krahas rrjeteve sociale që përdor Veliaj.
Këtë të shtunë u konfirmua ekzekutimi i urdhrave për arrest me burg për Taulant Tushën, Drejtor i Përgjithshëm i Punëve Publike në Bashkinë e Tiranës, një nga postet më të rëndësishme dhe më me peshë, si edhe i konsideruar si një ndër bashkëpunëtorët më të afërt të kryebashkiakut Erion Veliaj. Po ashtu urdhër arresti ka patur dhe për një tjetër ish drejtor të Bashkisë, Namik Thimixhi, i cili mbulonte menaxhimin e mbetjeve dhe ishte në varësi direkte të Tushes.
Duke iu referuar hetimeve të prokurorisë, Boldnews ka raportuar se si krahu i djathtë i Veliajt Taulant Tusha, raportonte tek Klodian Zoto.
Në 15 masat e sigurisë të dhëna nga GJKKO me kërkesë të SPAK lidhur me çështjen mungon emri i kryebashkiakut të Tiranës Erion Veliaj. Opozita ndërkohë shprehet se ai ka përgjegjësi penale dhe duhet të arrestohet lidhur me aferën e inceneratorit të Tiranës. “Erion Veliaj është përgjegjësi kryesor i megaaferës korruptive të inceneratorit të Tiranës”, deklaroi Endrit Braimllari nga PL. Ndërsa deputetja demokrate Ina Zhupa u shpreh se bashkë me Veliaj, pas hekurave duhet të jetë dhe shefi i tij politik, kryeministri Edi Rama. As nga ky i fundit nuk ka pasur një reagim pë rastin. Të dy e kanë mbrojtur me forcë koncesionin që ka rezultuar një aferë korruptive.
Ka qenë pikërisht një shkresë e Veliajt në fakt ka qenë që i ka hapur rrugën koncesionit 30-vjeçar të Sharrës mes kompanisë së Klodian Zotos e Mirel Mërtirit dhe Ministrisë së Mjedisit.
Llogaritet se deri në kohën e sekuestrimit në gusht 2023, fusha e mbetjeve të Tiranës u ka kushtuar taksapaguesve minimalisht 100 milionë euro.
