Autoritetet në Greqi kanë arrestuar një shqiptar i cili ishte i shpallur në kërkim, pasi akuzohet për vrasje.
Mediat greke raportojnë se shqiptari, identiteti i të cilit nuk bëhet i ditur, u arrestua të shtunën pas një kontrolli të rastësishëm nga Policia në zonën e Neapolisit në Lasith. Gjatë kontrollit të të dhënave, rezultoi se ndaj tij ishte lëshuar një urdhër arresti ndërkombëtar.
I riu i cili është dënuar me 20 vite burg në Shqipëri është dërguar në Komisariatin e Policisë Heraklion, ku edhe po bëhen procedurat për ekstradimin e tij.
