Euro 2024/ Shorti nuk kursen Shqipërinë, kuqezinjtë përballë Spanjës, Italisë dhe Kroacisë

U hodh sot në Hamburg shorti i Euro 2024, kompeticion që do të zhvillohet në disa qytete të Gjermanisë verën e ardhshme.

Shqipëria ndodhet në Grupin B dhe do të ketë përballë kundërshtarë si Spanja, Kroacia dhe Italia. Duke qenë se ekipi jonë kombëtar është kualifikuar për herë të dytë në Europian dhe duke qenë se ekipi po bind me lojë dhe rezultat, me interes të madh priten paraqitjet kuqezi në premierën e Euro 2024, që do mbahet në Gjermani.

Një short mjaft i vështirë për Kombëtaren shqiptare, që kualifikohet për herë të dytë në historinë e saj në finalet e një Kampionati Europian.

Shqipëria do të luajë ndeshjen e parë ndaj Italisë më 15 qershor në stadiumin e “Dortmund”, ndërsa më 19 qershor do të përballet me Kroacinë në stadiumin “Volksparkstadion Hamburg”.

Ndeshja e fundit e grupit do të jetë ajo ndaj Spanjës, që do të luhet më 24 qershor në stadiumin “Düsseldorf Arena”. Fakt interesant është që në dallim me Spanjën dhe Italinë, Shqipëria nuk është ndeshur asnjëherë me Kroacinë, ndërsa fati e deshi që të besuarit e Silvinjos të përballen me kroatët pikërisht në Kampionatin Europian.

Kujtojmë që Shqipëria kualifikueset i mbylli me 15 pikë si vendi i parë i grupit.

• Shorti i plotë, 6 grupet zyrtare të Europianit:

Kompeticioni më i rëndësishëm për shtete nis me datën 14 qershor dhe përfundon me 14 korrik. Ndeshja hapëse e këtij turneu europian do të jetë ajo mes organizatorëve të Gjermanisë dhe Skocisë.

Ky takim është planifikuar të luhet në Mynih më 14 qershor dhe do të nisë në orën 21:00