Moti i keq me reshje dëbore që pushtoi vendin ditën e shtunë, ka shkaktuar problematika në disa qytete në vend. Pas Dibrës, qarku më problematik u raportua qarku i Korçës, ku përpos bllokimit të rrugëve, ka patur edhe shkëputje të energjisë elektrike.
Si pasojë e reshjeve mësohet se disa fshatra në Maliq dhe Pogradec kanë mbetur pa drita. Ndërkohë Policia Rrugore apelon për rritje të kujdesit gjatë drejtimit të mjeteve sidomos në segmentet rrugore që të çojnë në fshatrat turistike në segmentin e Dardhës duhet të përdoren gomat dimërore.
