Një kirurg me origjinë shqiptare është dënuar me burg nga autoritetet në Itali, pasi akuzohet për ngacmim seksual.
Mediat vendase shkruajnë se bëhet fjalë për mjekun me iniciale, G.R 40-vjeç, i cili ka ngacmuar seksualisht një vajzë 20-vjeçare. Ngjarja raportohet të ketë ndodhur në vitin 2019, kur vajza ka shkuar në urgjencë për të shoqëruar të dashurin e saj, i cili kishte dhimbje fyti. Në pritje, e reja e kishte pyetur mjekun se ku mund të shkonte për të pirë duhan dhe ai e kishte shoqëruar në një dhomë, ku duke biseduar i kishte prekur kërthizën. Pavarësisht ankesave të vajzës, ai kishte vazhduar ta prekte atë, shkruajnë mediat e huaja.
E reja ia kishte treguar episodin të dashurit të saj dhe, para se të dilnin nga urgjenca, kishin shkuar te mjeku, duke e fyer dhe duke regjistruar bisedën, të cilën ai e mohonte. Denoncimi është bërë nga e reja, e cila nuk ka marrë pjesë në një proces civil për kompensimin e dëmit, por ka konfirmuar akuzat në gjykim. Ndërkohë mjeku ka deklaruar se nuk lejohej pirja e duhanit brenda në klinikë dhe vajza ishte kapur duke e bërë një gjë të tillë dhe ai i kishte kërkuar të largohej, pa e ngacmuar. apo prekur.
Por, pavarësisht mohimit të akuzave mjeku është dënuar me me 20 muaj burg, nën akuzën për ngacmim seksual.
