Policia në Vlorë ka dalë me një tjetqër njoftim zyrtar lidhur me ngjarjen që ndodhi një ditë më parë, ku mbetën të plagosur dy persona.
Sipas policisë, ka qënë shtetasi Erges Hoxha ai që iu afrua dy vëllezërve te makina dhe tentoi të vriste Kidi Muzhaqin. Në atë moment ka ndërhyrë, i vëllai i Kidi Muzhaqit, Ermal Muzhaqi, punonjës i Forcave të Armatosura dhe ka plagosur 34-vjeçarin.
Dy të plagosurit ndodhen në spital nën kujdesin e mjekëve, ndërsa është bërë shoqërimi në polici i oficerit të ushtrisë dhe sekuestrimi i armës së shërbimit.
“Në vijim të informacionit paraprak të dhënë për ngjarjen e ndodhur mesditën e djeshme, në Vorë, informojmë se specialistët për Hetimin e Krimeve të Rënda ndaj Jetës ndaluan shtetasit: – E. M., 27 vjeç dhe E. H., 34 vjeç, të dy banues në Vorë. Nga veprimet hetimore të kryera për këtë ngjarje dyshohet se ditën e djeshme, rreth orës 12:20, në Vorë, shtetasi E. H. i është afruar automjetit me drejtues shtetasin E. M. dhe pasagjerë shtetasit K. M. dhe B. A., dhe për motive ende të paqarta, ka tentuar që të vrasë me thikë shtetasin K. M. Në këtë moment ka ndërhyrë drejtuesi i automjetit, shtetasi E. M. (oficer ushtrie), i cili ka plagosur me armën e shërbimit, shtetasin E. H. Shtetasit K. M. dhe E. H. ndodhen në spital, në kujdesin e mjekëve”,- njofton Policia.
Në drejtimin e Prokurorisë vijon puna për përcaktimin e shkakut të rastit.
