Një aksident me vdekje është regjistruar mbrëmjen e kësaj të marte në aksin rrugor Kavajë-Durrës.
Autoritetet policore raportojnë se një automjet me drejtues shtetasin T. S., rreth 27 vjeç, ka aksidentuar një këmbësor, i cili ka humbur jetën menjëherë në vendngjarje. Bëhet me dije se viktima është ende i paidentifikuar.
Mësohet se drejtuesi i automjetit shtetasi T. S, është shoqëruar në ambientet e Komisariatit të Policisë Kavajë për veprime të mëtejshme.
Grupi hetimor ndodhet në vendngjarje dhe po punon për sqarimin e rrethanave të aksidentit dhe identifikimin e shtetasit që humbi jetën.
