Është vënë në pranga autori i ngjarjes së ndodhur në fshatin Ponçarë të Devollit, ku një grua u dhunua dhe u kërcënua me jetë.
Rasti u raportua pasditen e djeshme ku në rrethana ende të paqarta i riu ka ka goditur me grushte gruan e kushëririt të tij (djalit të xhaxhait), duke i shkaktuar plagë në pjesën e fytyrës.
Po ashtu, ai ka marrë në dorë një thikë dhe ka tentuar ta gjuajë në trup. Gruaja u dërgua në spital për ndihmë mjekësore nga ku u raportua në gjendje të rënduar psikologjike.
Autori akuzohet për veprën penale të vrasjes së mbetur në tentativë.
