Reshjet e dendura të shiut shkaktuan kaos në rrugët e Tiranës, me përmbytje dhe trafik mjaft të rënduar.
Lidhur me këtë ka reaguar Arlind Qori, kryetar i “Lëvizja Bashkë”, i cili thotë se kaosi i kryeqytetit ka përgjegjës dhe ai është kryebashkiaku Veliaj.
Situata u shfaq kritike në kryeqytet orët e pasdites ku rrugët e mbuluar nga reshjet i përngjanin përrenjve, duke e bërë të vështirë qarkullimin për mjetet e kryesisht këmbësorët. Lana doli nga shtrati, ndërsa përveç akseve rrugore përmbytje pati edhe në katet e para të disa ndërtesave.
Uji u fut në biznese, banesa, shkolla, madje dhe autobusë urbanë. Banorët e prekur ja vënë fajin kanalizimeve, duke u shprehur se kjo e sotmja shënon herën e disatë që ata përmbyten.
Lexo edhe:
