Policia italiane ka vënë në pranga dy të rinj shqiptarë, të cilëve gjatë kontrollit të ushtruar në makinën e tyre ju gjet 10 kilogram kokainë.
Në kontrollin e parë karabinierët nuk arritën të zbulonin asgjë, por filluan të dyshonin pasi dy 20-vjeçarëve me origjinë nga Shqipëria u tradhtuan nga fytyra.
Për të shuar çdo dyshim karabinierët kryen një kontroll të dytë me një qen nuhatës të Guardia di Finanza, i cili arriti të zbulonte drogën e fshehur në pjesën e poshtme të makinës, në një vend të improvizuar fiks për pakot me kokainë.
Droga ishte e ndarë në 9 pako, të cilat u sekuestruan, ndërsa dy të rinjtë ndodhen në burg, në Imperia.
