Një plantacion me bimë narkotike është zbuluar nga autoritetet spanjolle, ndërsa në pranga ka rënë një shtetas shqiptar që kujdesej për bimët.
Mediat e huaja shkruajnë se agjentët e gjetën plantacionin në një zonë të largët, të vështirë për t’u aksesuar, pa rrugë të afërta dhe të rrethuar nga pyje me pisha, të cilat ishin instaluar në një zonë të shpyllëzuar ekskluzivisht për këtë qëllim. Përgjegjësi i plantacionit kishte krijuar një kamp kompleks të përbërë nga disa tenda, një kuzhinë dhe një vend për të mundësuar tharjen e boçeve të bimës, duke pasur gjithashtu dy gjeneratorë elektrikë, dy pompa uji dhe dy panele diellore, të gjitha këto, me rrezik serioz zjarri në këtë zone.
Gjithashtu bëhet me dije se shqiptari, kishte ndërtuar pika vëzhgimi dhe kurthe në zonën përreth për të mos lejuar askënd të hynte në plantacionin e drogës. Për të gjitha këto arsye, agjentët vazhduan arrestimin e këtij personi, me kombësi shqiptare dhe me qëndrim të parregullt në shtetin spanjoll.
Në plantacion janë sekuestruar 1000 bimë marihuanë dhe 3 kilogramë sytha të kësaj droge të përgatitura për ambalazhim. Kreu i Gjykatës së Shkallës së Parë ka urdhëruar arrestimin e të akuzuarit për kryerjen e dyshuar.
