Deputetja e Partisë së Lirisë, Monidha Kryemadhi, ka hedhur akuza të forta kundrejt kryeministrit Rama.
Jashtë ambjenteve të Parlamentit, Kryemadhi u shpreh se Rama është garantuesi kryesor i trafikut të drogës nga Venezuela, Kolumbia dhe Dubai.
“Sot situata e lirisë dhe të drejtave të njeriut është në një stad ku nuk përfshihet në asnjë lloj sistemi demokratik, as hibrik. Sot është Republika e Drogës, e cila në krye të saj ka një kryeministër, që nuk pyet as për Parlamentin dhe Presidentin. Ai është garantuesi kryesor i trafikut të drogës nga Venezuela, Kolumbia, Dubai dhe vendet e lindjes, për të krijuar trekëndëshin e Bermundës së tij në Ballkan sa i përket trafikut të drogës, pastrimit të parave dhe institucionalizimit të krimit të organizuar”,- u shpreh ajo.
“Ju besoj jeni të njohur edhe me zbërthimin e Sky dhe Encro Chatit, për implikiminm e drejtuesve të lartë të policisë dhe gazetarisë që tregojnë haptas se si grupet kriminale në Bashkimin Evropian kanë gjetur strehë dhe mos u çudisni ku familjarët e tyre do të drejtojnë institucionet”, shtoi Kryemadhi.
Ajo u pyet edhe nëse ka pasur fletëthirrje nga Prokuroria e Posaçme. “Unë fletëthirrje kam pasur shumë nga SPAK në lidhje me inceneratorin e Tiranës. Edhe për operacionet plastike pres të më thërrasë SPAK-u.
