Një rast i paprecedentë ka ndodhur në Tiranë, ku një 49-vjeçar ka tentuar ti japë fund jetës duke lyer me benzinë veten dhe bashkëshorten e tij.
Ngjarja ka ndodhur në lagjen “Vangjel Noti”, ku pasi ka lyer trupat me benzinë 49-vjeçari ka tentuar të largohet me makinë por është përplasur me murin rrethues të një banese.
Ky i fundit është arrestuar nga policia dhe gjatë kontrollit fizik i është gjetur një thikë. Ende nuk dihen shkaqet që e çuan burrin në këtë akt ekstrem, ndërsa raportohet se 49-vjeçari ka qënë në gjendje të dehur.
“Specialistët për Hetimin e Krimeve të Komisariatit të Policisë Nr. 3 arrestuan shtetasin B. D., 49 vjeç, banues në Tiranë, pasi ditën e djeshme, në rrugën “Vangjel Noti”, rreth orës 07:00, duke qenë në gjendje të dehur, ka lagur në trup, me lëndë djegëse, veten dhe bashkëshorten e tij. Më pas është larguar me një automjet të cilin e ka përplasur me murin rrethues të një banese. Gjatë kontrollit fizik, shërbimet e Policisë i gjetën dhe sekuestruan, 49-vjeçarit, një mjet prerës (thikë)”,- njofton Policia.
