Personat që shihni në foton e mëposhtme janë, Oltjan Tahiri dhe Albi Ceno, të arrestuar për përdhunimin e 26-vjeçares në qytetin e Vlorës.
Ditën e sotme gjykata caktoi masën e sigurisë “Arrest me burg”, për dy të rinjtë, ndërsa vijon të jetë në kërkim shoku i tyre, Gentjano Mehmeti, dhe një shtetas tjetër të implikuar gjithashtu në ngjarje.
Ngjarja ndodhi pak ditë më parë, ku dy personat e arrestuar së bashku me Gentjano Mehmetin të shpallur në kërkim, dhe shtetasin tjetër identiteti i të cilit ende nuk bëhet me dije, akuzohen se kanë droguar dhe përdhunuar në ambientet e një hoteli vajzën në fjalë.
Ngjarja u raportua në polici nga recepsionisti i hotelit, i cili gjeti 26-vjeçaren pa ndjenja. Pas 24 orësh, e reja u përmend dhe tregoi në lidhje me ngjarjen. Ajo ka rrëfyer se ka patur një lidhje intime me Oltian Tahirin 31 vjeç, i martuar, baba i një fëmije, dhe gjithçka e ka bërë duke qenë e detyruar dhe nën efektin e lëndëve narkotike.
