Një aksident automobilistik është regjistruar mbrëmjen e kësaj të hëne në aksin rrugor “Korçë-Bilisht”.
Burime zyrtare bëjnë me dije se shtetasi A. Sh., rreth 30 vjeç, banues në fshatin Zëmblak, Maliq, duke drejtuar automjetin tip “Opel”, dyshohet se ka humbur kontrollin mbi drejtimin e tij dhe automjeti ka dalë nga rruga. Ngjarja ka ndodhur rreth orës 19:30, në afërsi të fshatit Dishnicë.
Si pasojë e aksidentit ka mbetur i plagosur drejtuesi i automjetit, i cili aktualisht ndodhet në spitalin e Korçës, për ndihmë mjekësore.
Grupi hetimor po punon për zbardhjen e rrethanave të aksidentit.
