Detaje të reja kanë dalë në dritë nga ngjarja që ndodhi në Korçë tre ditë më parë ku 36-vjeçari, Jonis Mazllemi, plagosi me sëpatë një grua 52-vjeçare dhe një 60-vjeçar.
Sipas avokatit, Jonis Mazllemi ka pasur halucinacione dhe pretendonte se dy personat qe plagosi do e helmonin për shkak të një pasurie të madhe që i kishte lënë gjyshi. Ai madje kishte 10 dite pa ngrënë ushqim, nga frika mos e helmonin.
Raportohet se, Mazllemi ishte përdorues i drogës dhe prej dy vitesh nuk merrte mjekim as për varësinë nga droga dhe as për problemet me shëndetin mendor.
Ndërkohë sot ndaj autorit është vendosur masa ‘arrest me burg’, teksa pala mbrojtëse parashtroi kërkesën për masë sigurimi atë të shtrimit të detyruar në spital.
