Një ditë pasi SPAK i caktoi masën ‘detyrim paraqitje’, sot në orët e para të mëngjesit forca policie janë parë të hyjnë dhe dalin brenda pallatit të ish-kryeministrit, Sali Berisha.
Mediat kanë siguruar pamjet ku pranë shtëpisë së Berishës ndodhet një patrullë e forcave, Shqiponja dhe efektivët dalin nga pallati i ish-kryeministrit Sali Berisha.
Sali Berisha, akuzohet për kryerjen e veprës penale “Korrupsioni pasiv i funksionarëve të larte shteterore ose te zgjedhurve vendore, kryer në bashkëpunim”, ne lidhje me privatizimin e kompleksit “Partizani”.
Përveç Berishës, në pranga ka rënë dhëndri i tij, Jamarbër Malltezi, ndërsa për sipërmarrësin është caktuar detyrim paraqitje. Malltezi akuzat për korrupsion dhe pastrim parash pas hetimeve disavjeçare lidhur me privatizimin e ish- Kompleksit Sportiv Partizani.
Kryetari i Partisë Demokratike, Sali Berisha renditi në një konferencë për mediat këtë të shtunë argumentat se pse ai dhe dhëndri Jamarbër Malltezi janë të pafajshëm ndaj akuzave të ngritura të SPAK ndaj tyre në procedimin për privatizimin e kompleksit Partizani.
Berisha i quajti masat politike të urdhër nga kryeministri Edi Rama prokurorët që firmën masat të kapur nga kreu i qeverisë. Berisha tha se Jamarbër Malltezi nuk është thirrur në jetën e tij nga asnjë prokuror apo asnjë gjykatës për asnjë çështje.
Gjithashtu ish-kyeministri Berisha i quajti akuzat ndaj tij si të pabaza dhe të motivuara politikisht.
“Do të qëndroj me të gjithë forcën time. Nuk i druhem arrestimit dhe asgjëje, sepse akuzat janë ngritur pa asnjë bazë dhe janë sulme të mirëfillta politike të Edi Ramës. Ato vijnë pikërisht në çastin që opozita ka nisur lëvizjen pa kthim kundër diktaturës, që po ngre Edi Rama me vjedhjen e votave dhe të pasurive publike”, tha zoti Berisha.
