Gjykata e Posaçme e Shkallës së Parë për Korrupsionin dhe Krimin e Organizuar ka dënuar me burg 10 zyrtarë të Bashkisë së Gramshit, të cilët janë shpallur fajtorë për abuzimet me tederat.
Ata janë shpallur fajtorë për kryerjen e veprës penale “Shkelja e barazisë së pjesmarrësve në tendera apo ankande publike” kryer në bashkëpunim.
Tenderat për të cilat ata kanë abuzuar janë:
- “Rehabilitimi i kanalit vaditës të Otomisë Njësia Aministartive Poroçan”,
- “Ndërtimi i urës tip BAILEY, përroi Gurrës, fshati Poroçan”,
- “Rikonstruksion i rrugës automobilistike nga fshati Shemrizë deri tek ura Skënderbegas”,
- “Rehabilitimi i rrugës Kodër Zgjupe – Sult, Njësia Administrative Sult”,
- “Rehabilitimi i rrugës Devoll”,
- “Rikonstruksion i objektit shkollë 9 – vjeçare “Këshilltarët e Galigatit”, Njësia Administrative Pishaj”,
- “Rikonstruksion i shkollës 9- vjeçare Koli Baba”
- “Sistemim asfaltim i lagjes 85”
- Rikonstruksioni i rrugës lagjja “Axhensia”, Gramsh”
- Rehabilitimi i kanalit vaditës të Otomisë Njësia Aministartive Poroçan”
Abuzimet me këto tendera u konstatuan në raportin e Kontrollit të Lartë të Shtetit vitin e kaluar, ku rezultonte se Bashkia e Gramshit i kishte shkaktuar 11.9 miliardë lekë dëme buxhetit të shtetit në vitin 2022.
Zyrtarët e Bashkisë së Gramshit të cilët janë dënuar janë shtetasit:
- Elidjan Koçi, i cili është dënuar me 1 (një) vit e 8 (tetë) muaj burgim, ndërkohë për 5 vjet i hiqet e drejta për të ushtruar funksione publike.
- Erson Guzin i cili është dënuar me 10 muaj burgim dhe i hiqet për 5 vjet e drejta për të ushtruar funksione publike.
- Eva Ismailaj, i cili është dënuar me 2 vjet burgim dhe 5 vjet heqje e të drejtës për të ushtruar funksione publike.
- Alban Rodhe, i cili është dënuar me 2 vjet burgim dhe 5 vjet heqje e të drejtës për të ushtruar funksione publike.
- Adnand Shuli dënohet me shërbim prove për 4 vite.
- Qani Paja dënohet me 4 vite shërbim prove dhe 5 vite heqje e të drejtës për të ushtruar funksione publike.
- Ali Çohodari dënohet me dy vjet burgim dhe për 5 vjet heqje e të drejtë së ushtrimit të funksioneve publike.
- Muhamet Ajazi dënohet me 8 muaj shërbim prove dhe 5 vjet heqje e të drejtë së ushtrimit të funksioneve publike.
- Vilson Tërvoli dënohet me 8 muaj shërbim prove dhe heqjen e të drejtës për të ushtruar funksione publike për 5 vjet.
- Afrim Shtylla dënohet me 8 muaj shërbim prove dhe heqjen e të drejtës për të ushtruar funksione publike për 5 vjet.
Vilson Tervoli dhe Afrim Shtylla urdhërohen që të mbajnë kontakte me Shërbimin e Provës Gramsh dhe të mos kenë kontakt me personat e dënuar.
Kundër vendimit lejohet apel brenda afatit ligjor, në Gjykatën e Posaçme të Apelit për Korrupsionin dhe Krimin e Organizuar.
