Situatat e fundit që kanë ndodhur te Tirana kanë trazuar të gjithë opinionin sportiv.
Orges Shehi tashmë është larguar nga bardheblutë dhe në ndeshjen e fundit në stol u ul Julian Ahmataj.
Vetë Orges Shehi theksoi se ishte shkarkuar nga detyra, teksa diçka të tillë ia njoftoi Tefik Osmani, kur durrsaku kishte arritur në qendrën stërvitore të kryeqytetasve.
Ndërkohë presidenti Refik Halili reagoi menjëherë dhe theksoi se Shehi ishte pezulluar dhe se ishte ende pjesë e bardhebluve.
Pyetja e madhe është Orges Shehi është shkarkuar apo është i pezulluar? Trajneri apo presidenti po thonë të vërtetën? Përgjigjet e këtyre pyetjeve u jep fund dokumenti.
“Procesi Sportiv” ka publikar dokumentin, ku në të thuhet se Orges Shehi shkarkohet nga detyra e trajnerit të ekipit të parë me vendim të menjëhershëm. Tashmë ky dokument u jep fund të gjitha aludimeve të ditëve të fundit.
