“Ka shumë vdekje, shumë”. Kështu raportuan dje në mbrëmje zjarrfikësit e 50 mjeteve të shpëtimit që kanë përfunduar me nxjerrjen e trupave të vdekur pas tragjedisë rrugore që ndodhi dje në mbrëmje në Venecia.
Në ora 19.30, një autobus me turistë u rrëzua nga mbikalimi Vempa i Rizzardit në Mestre, Venecia. Sipas prefekturës, numri i përkohshëm i tragjedisë është 21 të vdekur, 12 të plagosur dhe disa të zhdukur.
Në bordin e autobusit ishte një grup turistësh të Evropës Lindore që po ktheheshin në Marghera pasi kishin qenë në Venecia.
Automjeti i aksidentuar, pasi ka prekur telat e energjisë elektrike dhe ka fluturuar rreth 10 metra, ka marrë flakë nga përplasja.
Kryetari i bashkisë së Venecias, Luigi Brugnaro tha: “Një tragjedi e madhe, qyteti është në zi”.
Fjalë dhe më dramatike ishin ato të zjarrfikësve: “Ka shumë vdekje, shumë”.
Autobusi ishte i mbushur me turistë, në bord ishte kryesisht një grup ukrainas: sipas prefekturës, mes 21 të vdekurve janë dhe dy fëmijë, si dhe një adoleshent.
Shqetësim ngjall fakti që janë edhe 5 persona të zhdukur. Kurse 15 të tjerë janë dërguar në spitale me plagë në shkallë të ndryshme.
