Kryetari i PD-së, Sali Berisha e sheh ndryshimin e pushtetit në sajë të revoltës së qytetarëve.
Në një emision televiziv transmetuar këtë të hënë, Berisha tha se nuk beson që ndryshimi i pushtetit të ndodhë me votë. Kjo pasi sipas tij, qeveria ka ngritur një makineri të tillë që e kontrollon votën masivisht. Madje, shtoi se kontrolli i votës është i niveleve si ato në kohën e diktaturës.
Në këto kushte, sipas kryedemokratit, ndryshimi i pushtetit mund të vijë përmes revoltës qytetare në formën e protestave.
Berisha ndërkohë, tha se opozita për protesta dhe u bëri thirrje qytetarëve të bashkohen.
Në të kundërt, paralajmëroi se “nëse shqiptarët nuk ngrihen, Edi Rama do jetë (në pushtet) deri në vitin 2040-2045”.
