Arrestimet e shtetasve shqiptarë në vende të ndryshme të botës për shit-blerje të lëndëve narkotike janë rritur dita ditës.
Pas arrestimit të një shqiptari në Belgjikë për drogë, një tjetër shtetas shqiptar është arrestuar në Gjermani për të njëjtën akuzë.
Mediat vendase shkruajnë se shqiptari rreth 23-vjeç, është kapur me 3.5 kg marijuanë në bagazhin e makinës.
Sipas asaj që shkruajnë mediat e huaja, makina e drejtuar nga shqiptari tërhoqi vëmendjen e efektivëve për shkak të shpejtësisë në një zonë kantieri.
Aktualisht, i riu shqiptar ndodhet në paraburgimin e Bremenit, në pritje të masës së sigurisë nga drejtësia gjermane.
