Lulzim Basha ka mbërritur para pak minutash në Kuvend për seancën e sotme plenare.
Basha tha për mediat se prej një viti e gjysmë PD-ja ka qenë në sulm dhe se është marrë vetëm me problemet e brendshme, por se kjo kohë tani ka marrë fund. Ai u shpreh se do të fokusohej totalisht te problemet e qytetarëve.
“Do të fokusohem tërësisht te problemet e qytetarëve. Për një vit e gjysëm PD ka qenë në sulm dhe është marrë me veten e vet. Ka marr fund kjo kohë. Ditë për ditë do jemi me njerëzit dhe për njerëzit”, tha Basha.
Mësohet se 28 deputetë nga 35 që janë të regjistruar zyrtarisht në Kuvend në përbërje të Grupit Parlamentar të Partisë Demokratike, i kanë dërguar sot një vendim Kryetares së Kuvendit, Lindita Nikollës ku i kërkojnë që të vendosë Gazment Bardhin si Kryetarin e grupit Parlamentar të Partisë Demokratike.
Deputetët që kanë firmosur janë: Agron Gjekmarkaj, Asllan Dogjani, Bledion Nallbati, Bujar Leskaj, Dashnor Sula, Dhurata Cupi, Edi Paloka, Ervin Salianji, Ferdinand Xhaferaj, Flamur Hoxha, Gazment Bardhi, Greta Bardeli, Helidon Bushati, Ina Zhupa, Isuf Celaj, Jorida Tabaku, Kastriot Piroli, Lefter Gështenja, Lindita Metaliaj, Ludovik Hasanaj, Qani Xhafa, Ramadan Likaj, Saimir Korreshi, Sorina Koti, Tomor Alizoti, Xhelal Mziu dhe Zheni Gjergji.
