Një qytetar ka shpërthyer në akuza ndaj ambasadores së Greqisë në Tiranë, Kostandina Kamitsi, në momentin kur kjo e fundit doli nga godina e SPAK, pas seancës në apelin e GJKKO-së për Fredi Belerin.
Siç dëgjohet edhe në videon e mëposhtme, qytetari i drejtohet diplomates greke se po mbron një vrasës.
“Jeni kriminelë, ai është një vrasës. Po mbroni një vrasës. Ai është vrasës, turp t’i vijë” – tha qytetari.
Apeli i Posaçëm vendosi sot të lërë në burg sërish kryebashkiakun e zgjedhur të Himarës, Fredi Belerin, i cili kërkoi lirinë për herë të gjashtë, teksa nuk i ka pranuar akuzat për blerje votash, për të cilat u arrestua 2 ditë para zgjedhjeve të 14 majit.
