Katër apartamente janë shkrumbuar krejtësisht në pallatin 10-katësh që u përfshi nga flakët një ditë më parë në rrugën ‘Sali Butka’, në zonën e njohur si ish-Parku i Autobusëve në Tiranë.
Mëngjesin e sotëm, grupi i ekspertëve, të cilët janë ngritur edhe për të hetuar ngjarjen, kanë shkuar në pallat për të verifikuar dhe mbledhur prova për të zbardhur shkaqet e rënies së zjarrit.
Sipas informacioneve, hyrjet e dëmtuara kanë qenë objektiv i grupit hetimor, ndonëse pika kyçe është dhe dupleksi, kati i fundit i pallatit nga i cili nisi dhe zjarri.
Shkak dyshohet të jetë bërë ndonjë pajisje elektroshtëpiake e harruar në prizë.
