Është rritur numri i punonjësve në Kuvend, duke shtuar 16 punonjës të rinj dhe duke e çuar numrin e përgjithshëm në 453 të punësuar në këtë institucion.
Gjithashtu, është marrë vendimi që numri rezervë i punonjësve për vitin 2023 në Kuvend të reduktohet me 16 veta, duke e çuar numrin e përgjithshëm rezervë në 47 punonjës.
Vendimet janë marrë në mbledhjen e sotme të Këshillit të Ministrave dhe janë botuar në fletoren zyrtare.
V E N D O S I:
Numri i punonjësve të administratës së Kuvendit, për vitin 2023, shtohet me 16 (gjashtëmbëdhjetë) veta, duke e çuar numrin e përgjithshëm në 453 (katërqind e pesëdhjetë e tre) punonjës. Numri rezervë i punonjësve për vitin 2023 reduktohet me 16 (gjashtëmbëdhjetë) veta, duke e çuar numrin e përgjithshëm rezervë në 47 (dyzet e shtatë) punonjës.
Ngarkohen administrata e Kuvendit dhe Ministria e Financave dhe Ekonomisë për zbatimin e këtij vendimi.
Ky vendim hyn në fuqi menjëherë dhe botohet në “Fletoren zyrtare”.
