Kreu i Partisë Demokratike, Sali Berisha i është përgjigjur interesit të gazetarëve në lidhje me marrëveshjen e fundit që bëri me grupin e deputetëve që mbështet Gament Bardhin.
Kur u pyet për mundësinë që Bardhi të jetë kandidat për kryeministër, Berisha tha se nuk frenon askënd, por la të kuptohet se “kryeministri i ardhshëm” nga opozita do të zgjidhet me garë.
Pyetja– Arsyeja se përse ka pranuar Bardhin, është mundësia që ky të jetë kandidat për kryeministër?
Përgjigjet Berisha – “Të gjitha hipotezat mund të ngrihen, por unë nuk do frenoj njeri që të marrë pjesë në cilëndo gare të PD. Cilido. Ky është qëndrimi i pandryshueshëm i Berishës. Unë kam sjellë në parti garën. Cilido ka të drejtë të garojë për cdo post. Ka një ndryshim si dita dhe nata mes PD sot dhe PS”.
