Ish-kandidati i opozitës për Bashkinë e Kuçovës, Lefter Maliqi ka rikthyer sërish në vëmendje denoncimet e emisionit “Stop” pak kohë më parë në lidhje me abuzimet me tenderin e varrezave dhe qenëve endacakë nga kryebashkiaku i Kuçovës, Kreshnik Hajdari.
Veç tyre, në një postime në rrjetet sociale Maliqi i përmend Hajdarit edhe abuzimet me tenederat e tjerë apo “imoralitetet në zyrë” si dhe dënimin në Greqi. Më tej ai shton pyetjen se “kush fshihet pas kryebashkiakut të Kuçovës dhe kush e mbron atë?”.
Maliqi paralajmëron se të gjitha këto do zbardhen, teksa shton më tej se nuk do të ndalet deri sa ta çojë këtë betejë deri në fund.
Postimi i plotë:
‼️Skandal!
Kush po e mbron pengun Hajdari të ish-fatorinos, oligarkut Salillari?
Shihni videon në Emisionin “STOP”, në TV KLAN, të tenderit abuziv të qenëve, më keq se Gjici i Kukësit dhe “SPAK”, ende pa pergjigje?!
Sipas emisionit “STOP”, pse nuk po jepet tenderi korruptiv i pastrimit të qytetit?? Përsëri Hajdari i akuzuar. Hajdari i akuzuar për tenderin korruptiv të Sinecit, për rrylin, për rrugën e Frashërit, për rrugën e Gorajt, për ‘asfalt mbi asfalt elektoral’, në Tapi, i përgojuar për imoralitet në zyrë, i dënuar 4 muaj në Greqi, dënim që e ka fshehur dhe është nën hetim në “SPAK”.
Pra Hajdari, 6 herë nën hetim në “SPAK” dhe i dënuar në Greqi dhe me mandat të vjedhur; me 5 seanca në “KAS”, 5 seanca në “Kolegjin Zgjedhor”, së shpejti në Gjykatën Kushtetuese dhe asnjë reagim?!
Lind pyetja, kush fshihet pas Hajdarit?? Kush po e mbron e çfarë interesash korruptivë fshihen??? Të gjitha këto akuza edhe të tjera do të zbardhen. Nuk më ndal dot askush pa e çuar deri në fund këtë betejë dhe pa ndëshkuar këta kriminelë e banditë abuzues të taksave të popullit. Kam bindje 100% se këto prova nuk mund të fshihen e zhduken. Profesioni im i hershëm i mirefilltë, si ish-Drejtues Policie, më bind se pavarësisht mbrojtjes që po i bëjnë, po e fundosin shumë më keq në të ardhmen.
S’ka kthim pas! Ky vend ka parë Ministra, Deputetë, Oligarkë, Kriminelë dhe sot janë në biruce tek 313.
Shihni videon e emisionit “STOP” më poshtë:
