Një vajzë 23-vjeçare gjermano-irakiane është paditur për vrasje pasi dyshohet se kërkoi sozinë në Instagram dhe e vrau atë me një bashkëpunëtor, në përpjekje për të falsifikuar vdekjen e saj.
Sipas mediave të huaja, gruaja, e identifikuar si Shahraban Kh-B, fillimisht mendohej se ishte viktima e vrasjes kur trupi i lagur me gjak i një gruaje të re u gjet gushtin e kaluar në një Mercedes të parkuar në Ingolstadt, Gjermania jugore.
Disa anëtarë të familjes së saj madje kishin identifikuar trupin e saj, por një raport i autopsisë të nesërmen ngriti pikëpyetje mbi identitetin e saj për shkak të tatuazheve që nuk ishin të identifikueshme. Viktima u bë e ditur më pas se ishte Khadidja O, një blogere 23-vjeçare me origjinë algjeriane nga Heilbronn, në shtetin fqinj të Baden-Ëürttemberg.
Dy femrat dukeshin jashtëzakonisht të ngjashme, të dyja me flokë të gjata të zeza, ngjyrë të ngjashme dhe grim të rëndë, gjë që çoi në quajtjen e rastit “Doppelgängerinnenmord”, ose vrasja e doppelgangers.
Duke shpallur aktakuzën, prokurorët e shtetit në Ingolstadt thanë se Shahraban Kh-B u akuzua gjithashtu se i kishte ofruar një burri, të identifikuar si A, 10,000 euro për të vrarë vëllain e burrit të saj. Ajo dyshohet se i ka paguar atij një paradhënie prej 5,000 €, por ai i ka marrë paratë pa vepruar sipas kërkesave të saj të përsëritura për të kryer vrasjen. Ajo e ka pranuar akuzën.
Një 24-vjeçar kosovar, i quajtur Sheqir K, i cili akuzohet se ka vepruar si bashkëpunëtor i Shahraban Kh-B dhe ka ndihmuar në vrasjen, gjithashtu do të dalë në gjyq.
Sheqir K akuzohet gjithashtu për nxitje në vrasje, pasi i kishte dorëzuar një listë me emrat e dëshmitarëve të mundshëm një shoku të burgosur që takoi në burg pas arrestimit dhe u përpoq ta bindte që t’i vriste ata, duke e siguruar atë për pagesën nëse e bënte këtë. I burgosuri e refuzoi ofertën. Sheqir K e mohon akuzën.
Shahraban Kh-B dhe Sheqir K të dy do të dalin në gjyq për vrasje dhe tentativë për nxitje për vrasje. Të dy mohojnë akuzat për vrasje.
Sipas Veronika Grieser nga zyra e prokurorit të shtetit të Ingolstadt, një hetim policor njëvjeçar kishte bërë që çështja tani të ishte gati për t’u sjellë në gjykatë. “Sipas hetimeve, e akuzuara Kh-B, së bashku me të akuzuarën K, të cilën ajo e kishte njohur vetëmnë atë moment, kishin marrë vendim që ajo të zhdukej dhe të falsifikonte vdekjen e saj, për të filluar një jetë të re”, tha Grieser.
Motivimi i Shahraban Kh-B mendohet të ketë qenë dëshira për të shpëtuar nga një grindje familjare.
Sipas prokurorit të shtetit, ajo u ka shkruar një numri femrash, përmes llogarive të tyre në Instagram, duke zgjedhur ato që i ngjanin asaj. Më 9 gusht 2022, ajo i ofroi Khadidja K mundësinë për të marrë pjesë në një videoklip, gjoja me reperin Lune, duke i shkruar asaj: “Nuk duhet të bësh shumë. Do të isha e lumtur nëse do të kontaktoje… Xhirimet do të zhvillohen në Offenburg”.
E dyshimtë për kërkesën, Khadidja K kontaktoi me reperin Lune, i cili e paralajmëroi se ftesa ishte false.
Dy ditë më vonë Khadidja mori një kërkesë të re nga Shahraban K, duke shkruar nga një tjetër llogari në Instagram, duke i ofruar asaj një trajtim falas në studion e saj kozmetike, në këmbim të të cilit ajo duhet të bëjë publicitet në sallonin e saj në Instagram. Të dy organizuan të takoheshin më 16 gusht në Eppingen.
Shahraban Kh-B dhe Sheqir K e morën nga shtëpia e saj me një Mercedes Coupé të zi dhe gjatë udhëtimit u ndalën në pyll. Pasi e bindën Hatixhenë të dilte nga makina, “ata vazhduan të zbatonin planin e tyre … duke e goditur në pjesën e pasme të kokës së saj të paktën një herë, derisa ajo ra në tokë, përpara se ta vrisnin me 56 goditje thike”, shtoi Grieser. Ajo tha se trupi ishte shpërfytyruar plotësisht. Ende nuk është gjetur një armë për vrasje.
Dy të akuzuarit më pas parkuan makinën në një rrugë afër shtëpisë së Shahraban Kh-B, pranë brigjeve të lumit Danub, ku prindërit e saj zbuluan gruan që fillimisht mendonin se ishte vajza e tyre, të njëjtën mbrëmje.
Më shumë se 190 dëshmitarë janë në dispozicion për t’u thirrur në këtë rast. Gjurmët e ADN-së dhe bisedat telefonike formuan pjesën kryesore të provave që çuan në këto akuza, tha Grieser.
Dyshja përballet me burgim të përjetshëm nëse dënohet. Ende nuk është caktuar një datë për gjykim.
