Një ngjarje e rëndë ka ndodhur mbrëmjen e sotme në fshatin Sheq të Dimalit.
Policia bën me dije se një 45-vjeçari me inicialet R. D., ka humbur jetën pasi e ka zënë poshtë traktori me të cilin po punonte.
“Rreth orës 18:40, shtetasi R.D., 45 vjeç, në fshatin Sheq, Dimal, duke punuar tokën me mjet bujqësor (traktor), dyshohet se aksidentalisht mjeti bujqësor është përmbysur dhe e ka zënë poshtë. Për pasojë 45-vjeçari ka humbur jetën”, njofton policia.
Grupi hetimor po punon për zbardhjen e rrethanave të ngjarjes.
