Një tjetër grup turistësh italianë janë bërë sërish viral në rrjetet sociale, pasi ikin me vrap nga lokali pa paguar faturën.
Mediat fqinjë shkruajnë se këtë radhë ngjarja nuk ka ndodhur në shqipëri, aty ku faturën e pagoi kryeministrja Meloni, por në Maltë.
Madje gazetarët shkruajnë se skena ishte e organizuar, madje në mënyrën klasike, një cigare jashtë lokalit dhe pastaj ikim, pa u shqetësuar të paguajnë llogarinë. Ngjarja ka ndodhur në 25 gusht ku personazh janë bërë dy të rinj fatura e darkës të së cilëve shkoi në 100 euro.
Njësoj si në shqipëri sërish janë kamerat e sigurisë së lokalit që kanë zbuluar gjithçka. Administratorët e restorantit kanë dorëzuar pamjet në policinë lokale ndërsa lajmi është shpërndarë me shpejtësi në mediat e Maltës dhe në disa të Sicilisë.
Pikërisht në këtë mënyrë babai i një prej djemve ka identifikuar djalin e tij pavarësisht se fytyra e fajtorëve ishte e mbuluar. Menjëherë ai ka telefonuar lokalin duke i kërkuar të paguajë llogarinë duke i deklaruar se i riu ishte penduar për veprimin.
Ky veprim duket se ka prekur administratorët e restorantit që i kanë falur shpenzimin, por se pala tjetër ka këmbëngulur. Në këtë moment i bënë një propozim, që të bënte një dhurim për personat me aftësi të kufizuara në ishullin e Gozos.
Më pas na telefonoi se kishte dhuruar 250 euro por shtoi se djali mund të punonte në verë pa pagesë për të shlyer dëmin”, shpjegon pronari i lokalit.
Por duke e cilësuar fajin të shlyer edhe denoncimi në polici është tërhequr duke e cilësuar këtë një ngjarje të shkuar dhe mësim të marrë.
