Një person është plagosur në një aksident të ndodhur këtë të premte në periferi të Tiranës.
Policia njoftoi se rreth orës 12:25, në Fushë Prezë, mjeti me drejtues D. M., 45 vjeç, ka përplasur motomjetin me drejtues shtetasin C.Ch., 61 vjeç.
Ky i fundit është dëmtuar dhe u dërgua në spital, nën kujdesin e mjekëve.
Grupi hetimor po punon për sqarimin e rrethanave të aksidentit, përfundon njoftimi i bluve.
