Një konflikt mes disa personave ka ndodhur në Kavajë mbrëmjen e sotme. Si pasojë, është plagosur me sende të forta një person, i cili është transportuar në spital.
Policia njoftoi se rreth orës 20:15, në lagjen nr., dyshohet se shtetasit D. H., 23 vjeç dhe Q. B., rreth 35 vjeç, janë konfliktuar me sende të forta me shtetasin Z. L., 49 vjeç.
Si pasojë e konfliktit Z.L. është dëmtuar dhe po merr ndihmën mjekësore në spitalin e Kavajës, jashtë rrezikut për jetën.
Shërbimet e Policisë po kontrollojnë zonën për lokalizimin dhe kapjen e dy autorëve të dyshuar, ndërsa grupi hetimor nën drejtimin e Prokurorisë ndodhet në vendngjarje dhe vijon punën për sqarimin e rrethanave dhe dokumentimin ligjor të ngjarjes, shtuan të njëjtat burime.
