Ish-ministri i Drejtësisë, Ylli Manjani, një një postim në rrjetet shkruan se pas thashemeve të pronësisë së kullës 58 kate që nisi të ndërtohet në qendër të Tiranës, qëndron kryebashkiaku i Tiranës.
Sipas tij, këtë gjë e kuptoi nga vetë reagimi “lëvyrës” siç e quan atij, i Veliajt në 24 orët e fundit. Manjani e quan veliajn si “i pagjumi nga SPAK-u”, pasi sipas tij, kryebashkiaku i Tiranës e meriton më shumë të arrestohet se ata që sot ndodhen në paraburgim për çështjen e inceneratorëve.
Më tej, Manjani shkruan se Veliaj, jo vetëm që “ka ngrënë dardha” më shumë se Arben Ahmetaj, por edhe i gjuan shefit me dardha mbrapoa kurrizit.
Postimi i plotë i Ylli Manjanit:
Reagimi lëvyrës i Erion Velisë në 24 orët e fundit, tregon qartë tashmë që ai është autor i thashethemit të pronësisë së kullës së re.
Nuk e besova këtë konspiracion, as kur lexova Armand Shkullakun, pra që Erioni po punonte edhe kundër Ramës. Por ky reagim lëvyrës i Erionit ndaj shefit të vet është provë vetëdemaskuese. Shkullaku paska patur të drejtë.
Të jetë vallë Erioni “i pagjumi nga SPAK-u”?!
Nuk është çudi.
Shkaqe për ti hedhë hekurat, sipas standardit të sotëm të hekurhedhjes, ka shumë. Madje më shumë sesa cilitdo që është në paraburgim sot për çështjen e inceneratorëve.
Kur mendoj që është harruar në paraburgim Arben Dervishaj, që nuk ka asnjë lidhje me detyrën publike, Erioni që është kryedetyra publike duhet të jetë brenda dhe i mbyllur mirë madje.
A ka ngrenë dardha pas kurrizit Erioni?
Efff ma.
Më shumë sesa Ben Ahmetaj. Jo vetëm ka ngrënë por edhe gjuan me dardha vetë shefin pas kurrizi. Sot me dardha ,nesër me gurë, pastaj fillojnë thikat…. Rama e di mirë këtë lojën e pas shpinës..
Kushtet janë plotësuar që, të paktën për trajtim të barabartë, Erioni të jetë në paraburgim.
A do ta japë dakordësinë Bosi?!
Ja pra pse “i pagjumi i SPAK” i lëvyret Bosit.
Interesante, sidoqoftë.
