Policia ka arrestuar dy drejtuesit e mjeteve që shkaktuan aksidentin me vdekje ditën e djeshme në aksin Gjirokastër-Kakavijë.
Në pranga janë vënë shtetasit D. S., 47 vjeç, banues në Poloni dhe T. G., 39 vjeç, banues në Tiranë. Dy automjetet e tyre u përplasën me njëra-tjetrën, ku 39-vjeçari drejtonte një makinë, ndërsa 47-vjeçari një fugon me turistë polakë.
Si pasojë e përpplasjes, mjetet përfunduan jashtë rruge dhe përplasën për vdekje bariun 60-vjeçar, Vasil Gega, i cili po qëndronte me bagëtitë anës rrugës.
Njoftimi i policisë:
Specialistët e Seksionit të Trafikut Interurban dhe Urban arrestuan në flagrancë shtetasit D. S., 47 vjeç, banues në Poloni dhe T. G., 39 vjeç, banues në Tiranë, pasi nga përplasja e automjeteve që drejtonin këta shtetas, pasditen e djeshme, në aksin rrugor “Gjirokastër-Kakavije”, ka humbur jetën shtetasi V. G., 60 vjeç, i cili ishte me bagëti, anash rrugës ku ndodhi përplasja.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Gjirokastër, për veprime të mëtejshme.
