Policia e Elbasanit ka dalë me një reagim zyrtar pas publikimit në rrjetet sociale të një video ku shihet një makinë policie e cila bën parakalim të gabuar.
Blutë bëjnë me dije se lidhur me rastin ka nisur hetimi për inspektorin e Policisë, A.B, si dhe është gjobitur me 3000 lekë.
“Menjëherë pas publikimit të kësaj video-je, shërbimet e Sektorit të Qarkullimit Rrugor të DVP Elbasan kanë ndëshkuar drejtuesin e këtij automjeti, punonjësin e Policisë inspektor A. B., me masën administrative maksimale për shkeljen e kryer (3000 lekë të rinj), bazuar në pikën 15, të paragrafit të 2-të, të nenit 146 të Kodit Rrugor.
Drejtuesi i automjetit, inspektor A. B. ka bërë shlyerjen e menjëhershme të masës administrative.
Gjithashtu, për punonjësin e Policisë inspektor A. B. ka nisur hetimi administrativ, për shkelje të lehtë’,– thuhet në njoftimin e Policisë.
