Një plagosje me armë zjarri ka ndodhur mesditën e kësaj të premte në Shkodër.
Mësohet se ngjarja ka ndodhur në një lokal te ish-Sanatoriumi në Shkodër, ku është plagosur 47-vjeçari Fatmir Odri nga fshati Xhan. Ky i fundit mësohet se ka marrë një plumb në shpatull dhe aktualisht ndodhet në spital në sallën e operacionit, ku po i nënshtrohet një ndërhyrjeje kirurgjikale.
Ende nuk dihen shkaqet dhe rrethanat e ngjarjes, ndërsa policiaka rrethuar zonën, dhe ka nisur hetimet për zbardhjen e krimit.
“Rreth orës 12:44, në sallën operative të Policisë së Shkodrës, ka mbërritur një telefonatë nga Spitali Rajonal i Shkodrës, se është paraqitur për ndihmë mjekësore dhe është jashtë rrezikut për jetën, shtetasi F. O., 47 vjeç, banues në fshatin Grudë e Re, i cili në një rrugicë në afërsi të një lokali, në lagjen “Skënderbeg”, në rrethana ende të paqarta, është plagosur me armë zjarri, në shpatull. Shërbimet e Policisë kanë rrethuar zonën dhe vijon kontrolli i saj. Grupi hetimor vijon veprimet për sqarimin e rrethanave të këtij rasti, si dhe për identifikimin dhe arrestimit e autorit/ëve të tij”, njoftoi policia e Shkodrës.
