Një 41-vjeçar është arrestuar ditën e sotme në Sarandë, pasi akuzohet për grabitje.
Blutë bëjnë me dije se në pranga ka rënë shtetasi me iniciale, O.B, i cili akuzohet se ka grabitur pompat e ujit në disa pallate banimi në Sarandë.
“Si rezultat i reagimit të menjëhershëm të specialistëve për Hetimin e Krimeve të Komisariatit të Policisë Sarandë, për kallëzimet e disa qytetarëve, se iu ishin vjedhur pompat e ujit, në pallatet ku banonin, është identifikuar, kapur dhe vënë në pranga shtetasi O. B., 41 vjeç, banues në Elbasan.
Nga veprimet hetimore ka rezultuar se ky shtetas, i cili ishte dënuar dhe më parë për të njëjtën veprimtari kriminale, ka vjedhur në mënyrë të përsëritur, pompat e ujit, në katet e para të pallateve të ndryshme, në Sarandë”,- njofton Policia.
Vijojnë hetimet për të zbardhur vjedhje të tjera që mund të ketë kryer ky shtetas.
