Policia e Dibrës ka zbardhur 7 raste të vjedhjes së pasurisë, të kryera gjatë 4 muajve të fundit ë Dibër dhe në Mat, nga dy grupe hajdutësh.
Më konkretisht, në Dibër janë 5 raste vjedhjesh dhe janë vënë në pranga shtetasit Muharrem Truka (Torba), 32 vjeç, banues në fshatin Vakuf, si dhe shtetasit Klejdi Hoxha, 21 vjeç dhe Gentian Zenelhasani, 29 vjeç, të dy banues në fshatin Ushtelenxë.
Autoritetet bëjknë me dije se 32-vjeçari kishte thyer masën e sigurisë “Arrest në shtëpi”, të caktuar nga Gjykata, për vjedhje, me qëllim kryerjen e vjedhjeve të tjera në 2 lokale në territoret e njësive administrative Muhurr dhe Kastriot, sëbashku me Klejdi Hoxhën dhe Gentian Zenelhasanin. Gjithashtu, nga veprimet hetimore rezultoi se këta tre shtetas janë dhe autorë të vjedhjeve në 3 banesa, në territoret e njësive administrative Maqellarë dhe Luzni.
Policia njofton se vijojnë hetimet për të zbardhur vjedhje të tjera që mund të kenë kryer këta shtetas.
Ndërkohë, në Mat, është identifikuar dhe shpallur në kërkim shtetasi I. D., 44 vjeç, banues në Mat, si dhe u referuan materialet në Prokuroi, ku nisi procedimi në gjendje të lirë për një 17-vjeçar. Nga veprimet hetimore ka rezultuar se në bashkëpunim me njëri-tjetrin, ata kanë vjedhur 2 motomjete, në fshatrat Zenisht dhe Rrethe-Baz. Blutë e Dibrës njoftojnë se vijon puna për kapjen e 44-vjeçarit.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Dibër, për veprime të mëtejshme.
