Është publikuar identiteti i 19-vjeçarit shqiptar që humbi jetën pasditen e kësaj të diele në Itali.
Viktimë ka mbetur Anxhelo Cara, i cili sipas mediave të huaja u mbyt në plazhin në Baia Verde.
Ai kishte shkuar bashkë me të dashurën për të kaluar ditën e diel, por fati i tij ishte tragjik.
Paraprakisht dyshohet se i riu u fut në det për të ndihmuar të dashurën e tij që u gjend në vështirësi për shkak të rrymave, por prej andej nuk arriti të dilte i gjallë.
Ekipi i emergjencës e nxori të riun 19-vjeçar pa ndenja nga uji, por nuk arriti të mbijetojë.
