Policët e Skuadrës Fluturuese italiane kanë arrestuar një 64-vjeçar italian, të cilit i janë gjetur armë dhe municione në shtëpi. Në pranga ra edhe bashkëshortja e tij 53-vjeçare me origjinë shqiptare.
Mediat italiane raportojnë se në banesën e tyre janë gjetur 29 granata; 1,4 kg TNT e ndarë në 7 pako; 37 siguresa për granata dore, etj. Një pjesë e materialit të sekuestruar, në marrëveshje me organet e drejtësisë, u asgjësua menjëherë – në mënyrë të sigurt – në një gurore në provincë.
Një prej efektivëve italiane, u lëndua pasi u përpo të ndalonte 64-vjeçarin që donte të shpërthente një granatë teksa policët po hynin në shtëpinë e tij. Ai aktualisht është ende i shtruar në spital me plagë në gjoks, por jeta e tij nuk është në rrezik.
