Një 36-vjeçar në Tiranë është arrestuar për armëmbajtje pa leje.
Burime zyrtare nga policia bëjnë me dije se aksioni erdhi “bazuar në informacionet e siguruara në rrugë operative se në rrugën ‘Isuf Elezi’, në një lokal, ndodhej një shtetas i armatosur”.
Si rezultat i këtij operacioni, u arrestua në flagrancë G.N., 36 vjeç, banues në Tiranë, për veprën penale “Mbajtja pa leje dhe prodhimi i armëve, armëve luftarake dhe i municionit”.
Gjatë kontrollit fizik të 36-vjeçarit, efektivët i gjetën dhe sekuestruan në cilësinë e provës materiale një armë zjarri pistoletë me municion luftarak.
![](https://boldnews.al/wp-content/uploads/2023/08/ffc21864-cfa8-494c-9560-a314d510127e-640x687.jpg)