Teksa Shqipëria vuan për kushtet me bazike në pjesën më të madhe të ambienteve në spitalet e njerëzve, kryeministri Edi Rama ditën e sotme është mburrur me godinën e një spitali që do të shërbejë për kafshët.
Kreu i qeverisë ka publikuar në rrjetet sociale, dy foto të godinës, e cila është në ndërtim e sipër në zonën e liqenit të Thatë në Tiranë dhe iu kërkon ndjekësve që ta gjejnë se për çfarë do të shërbejë.
“KUSH E GJEN
Kjo godinë mbresëlënëse po ndërtohet në Tiranë. Kush do ta gjejë për çfarë do të shërbejë, le të kërkojë bluzën e firmosur të kujt futbollisti të dojë ose diskun e firmosur të kujt këngëtareje të dojë
Keni kohë deri në mesnatë” – shkruan Rama.
Mësohet se ajo godinë do të jetë “Spitali Veterinar i Ballkanit” dhe se është bërë nga studio e arkitektit Davide Macullo.
Më posht, pamjet e godinës aktuale në ndërtim dhe të projektit:
