Një 25-vjeçar nga Elbasani është proceduar ditën e sotme nga policia, pasi qarkullonte me shpejtësi tej normave të lejuara në orët e vona të natës.
Blutë bëjnë me dije se gjithashtu i riu është gjobitur me 40.000 lekë, ndërsa është sekuestruar automjeti me të cilin qarkullonte.
“Në vijim të veprimeve, Specialistët për Hetimin e Krimeve të Komisariatit të Policisë Elbasan referuan materialet në Prokurori ku nisi procedimi në gjendje të lirë ndaj shtetasit 25 vjeç, banues në Elbasan, për veprën penale “Prishja e qetësisë publike”.
Gjithashtu, nga shërbimet e Qarkullimit Rrugor u vendos masa administrative me vlerë 40.000 lekë, bazuar në nenin 139 të Kodit Rrugor. Automjeti u sekuestrua në cilesinë e provës materiale”,– njofton Policia.
