Protesta e kolumbianes Claudia Sofia Cameron Jaimes, e cila protestoi ditën e djeshme tërësisht e zhveshur para Prokurorisë së Tiranës, duket se ia ka arritur qëllimit.
Mësohet se Prokuroria, ditën e sotme ia ka rikhyer kolumbianes pasaportën që ia mbanin të bllokuar prej shumë kohësh. Dorëzimi i pasaportës kolumbiane, është bëre me urdhër të prokurorit të çeshtjes Eljo Mazrrekut.
Shtetasja kolumbiane Claudia Sofia Cameron Jaimes, pak kohë më parë, është ndaluar në Tiranë nga policia me 5 gramë kokainë, duke bërë që prokuroria të nisë një hetim për prodhim dhe shitje të lëndëve narkotike.
Asaj i ishte bllokuar pasaporta si masë ndaluese dhe nuk është lejuar të dalë jashtë Shqipërisë. E reja ka qëndruar në pritje të kthimit të pasaportës pas kërkesave të vazhdueshme që kishte bërë tek prokurori i çështjes Elio Mazrreku. Por, kërkesat e saj për marjen e pasaportës ishin refuzuar.
Pas pritjeve të gjata, ajo ditën e djeshme vendosi të protestojë në një mënyrë të veçantë, duke dalë komplet lakuriq para Prokurorisë së Tiranës, ku pamjet e saj nudo bënë edhe xhiron e rrjetit.
